Köln | Aschermittwoch, die Session geht zu Ende. Die Sorgen der kölschen Jecken, die sich zu zigtausenden am Rosenmontag zur Friedensdemo in Gedenken an die Ukraine versammelten, bleiben.
Karnevalsgröße Gabi Elabor, in der Bütt als „Annegret vom Wochenmarkt“ bekannt, fasst ihre Gedanken zur aktuellen Lage und Diskussion: Karneval feiern im Krieg? für report-k.de in tiefstem Kölsch zusammen…
Annegret vom Wochenmarkt: Rede an Putin
Leeven Herr Putin,Sie versetze de Welt in Angs un Schrecke. Keiner will Kreech…keiner ! Ävver Sie träcke Ühre Saach einfach durch.
Sie weden ne Plaatz als „verdammt schwatzes Schoof“ en de Jescheechtsbööcher finge; tirek nevven dä andere Dispute un Tyranne dr Welt, die mer övverstande han. Do bruche Sie nit stolz drop sin !!!!He in Kölle stelle mer uns de Frooch: Kreech un Fastelovend – jeht dat ?
Ich persönlich wor un ben nit bereit, mir et Lävve vun einem wie Ihne vürschrieve odder inschränke zo looße. Mer stecke en dr Fastelovendszick. Unser Brauchtum heiss: zosamme zo fiere, Fründe zo treffe, Minsche kennezoliere, sich Spass zo maache, Leeder zo singe un Minsche wie Ihne dr Spejel vürzohalde.
Vür allem evver steck em Fastelovend Ehrenamt un Solidarität met Lück, denne et nit joot jeht un die Hilfe bruche un krieje !
Schon em 2. WK han de Lück dr Sinn vum Fastelovend verstande un em Rahme dr Möchlichkeite et Brauchtum huhjehalde ! Affjespeck un leiser, ävver trotzdem han se sich dat nit nemme looße !
Och, öm dä janze Driss un et Leid för ne Momang zo verjesse, Kraft zo tanke, öm sujet wie Sie zo erdrare ! Maachen Sie et joot – looßen Sie et sin. Vun Hätze…looßen Sie et bitte sin !!! Gabi Elabor (Annegret vom Wochenmarkt)
